News

په‌یڤدارێ وه‌زاره‌تا خواندنا بلند: ده‌مێ پێشكێشكرنێ بۆ خواندنا ماسته‌ر و دكتۆرایێ هاته‌ درێژكرن

ڕێڤه‌به‌ريا ڕاگه‌هاندنا وه‌زاره‌تا خواندنا بلند و ڤه‌كۆلینێن زانستى: په‌یڤدارێ وه‌زاره‌تا خواندنا بلند و ڤه‌كۆلینێن زانستى ئاگه‌هداریا خوازیاریێن خواندنا بلند (ماسته‌ر و دكتۆرایێ) دكه‌ت، كو ماوه‌یێ پێشكێشكرنێ بۆ خواندنا بلند (ماسته‌ر و دكتۆرایێ) ل زانكۆیێن حكومى یێن هه‌رێما كوردستانێ بۆ وه‌رزێ هاڤینێ هاته‌ درێژكرن. عه‌باس ئه‌كره‌م، په‌یڤدارێ وه‌زاره‌تا خواندنا بلند و ڤه‌كۆلینێن زانستى ڕاگه‌هاند: ژ پێخه‌مه‌ت به‌رژه‌وه‌ندیا گشتى و ڕه‌خساندنا ده‌رفه‌تێن زێده‌تر بۆ خوازیاران، وه‌زاره‌تا خواندنا بلند و ڤه‌كۆلینێن زانستى بریاردا بۆ ماوه‌یێ ئێك حه‌فتییێ پێشكێشكرنێ بۆ خواندنا بلند (ماسته‌ر و دكتۆرایێ) ل زانكۆیێن حكومى یێن هه‌رێما كوردستانێ دێرێژ بكه‌ت، كه‌واته‌ هه‌تا دووماهییا ده‌واما فه‌رمى ل ڕۆژا پێنجشه‌مبێ ڕێكه‌ڤتى (11/5/2017) پرۆسێسا پێشكێشكرنێ دێ به‌رده‌وام بیت. بۆ زانينا زانياريێن زێده‌تر، سه‌ره‌دانا ئه‌ڤى لينكێ لخوارێ دياركرى بكه‌ن: http://www.mhe-krg.org/ku/node/3527

زانكۆيا زاخۆ پرۆژه‌يه‌ك مرۆڤايه‌تى ل كه‌مپا چه‌م مچكو ئه‌نجامدا

ل ڕۆژا ئێكشه‌مبێ ڕێكه‌ڤتى 7/5/2017 فه‌كۆلتیا په‌روه‌ردێ ـ پشكا ده‌روونناسیا گشتى ل زانكۆیا زاخۆ، ب سه‌رپه‌رشتیا مامۆستا (نزار عصمت) سمیناره‌ك ده‌رباره‌ى (نه‌خۆشیێن ده‌روونى) بۆ كۆمه‌كا ژنان ل كه‌مپا (چه‌م مچكو) سازكرن. پاشان پشتى سمينار ب دووماهيك هاتى، قۆتابيێن پشكا ده‌روونناسييا گشتى ب جل و به‌رگێن (سپايده‌رمانى) ياريێن جۆراوجۆر و مفابه‌خش لسه‌ر زارۆكێن كه‌مپێ دابه‌شكرن. ب ئه‌ڤێ چه‌ندێ كارگێريا كه‌مپێ خۆشحاليا خۆ ده‌ربرى و داخوازا هاريكارى و پرۆژه‌يێن زێده‌تر ژ زانكۆيا زاخۆ كرن و خواست لسه‌ر كارێن وه‌ها مرۆڤايه‌تى به‌رده‌وام بن.

Page 1 of 3

1   2   3       Next